Gwybodaeth ddefnyddiol /

Ydw i wedi ennill gwobr?

I weld a ydych wedi ennill gwobr, ewch i’r gwiriwr gwobrau Bondiau Premiwm. Caiff y gwiriwr gwobrau ei ddiweddaru erbyn y trydydd diwrnod gwaith o’r mis fel arfer. I wirio’r gwobrau rhaid i chi roi’ch rhif deiliad Bondiau Premiwm ac nid rhifau’r Bondiau unigol.

Bydd y gwiriwr gwobrau Bondiau Premiwm yn dangos unrhyw wobrau mae’ch Bondiau Premiwm wedi’u hennill yn ystod y chwe chystadleuaeth tynnu rhifau ddiwethaf yn ogystal ag unrhyw wobrau heb eu hawlio ers i’ch Bondiau gael eu cynnwys yn y gystadleuaeth.

Os ydych wedi ennill gwobr yn y gystadleuaeth ddiweddaraf ond heb dderbyn eich gwobr, arhoswch tan ddiwedd y mis iddi eich cyrraedd. Os na fyddwch wedi derbyn eich gwobr erbyn hynny, yna cysylltwch â ni.